…ابليكاسيون فكرتها مزيانة لكن niwees

210
كي مشيت لمعرض الانفورماتيك في الشرقية ، شد انتباهي مجموعة من الشباب العارضين ، يقدمو في ابليكاسيون جديدة
الفيديو هذا فيه كيفاش تخدم الابليكاسيون

الابليكاسيون هاذي اسمها نيويس، فكرتها حلوة برشا ، عبارة على موقع شراء مجمع و الا موقع تخفيضات، معناها الحريف يدخل ، يختار المنتوج الي يحب يتمتع بيه و ياخو عليه تخفيض و يزيد ياخو نقاط وفاء ينجم يشري بيهم منتوج اخر مرة اخرى ، الطريقة الثانية لربح النقاط هيا انو كل ما تجيه مكالمة ، الابليكاسيون تخرجلو اشهار ، و على كل مكالمة يربح 10 نقاط
كيف ما قلت فكرة مزيانة ، لكن الحاجة الي تقلق انو الابليكاسيون تطلبك في برشا معلومات كيف تاريخ الولادة ، وين تسكن ، معرس و الا لا ، قداش عندك صغار و زيد تحط يدها على قائمة المكالمات متاعك، الحاجة الي تقلق هوني ، زعمة المعلومات هاذم محفوظين بطريقة سليمة؟ زعمة الشركة ماهيش تبيع فيهم المعلومات هاذم ؟

و بالاخص ، انو المعلومات الي تسجلهم الابليكاسيونينجمو يكونو محطوطين خارج تونس ، خاطر موقع الواب متاعها محطوط في الولايات المتحدة الامريكية
الابليكاسيون هاذي موجودة عالاندرويد
https://play.google.com/store/apps/details?id=com.techodia.niwees&hl=fr
محمد خليل
Facebook Comments

vous pourriez aussi aimer Plus d'articles de l'auteur

Les commentaires sont fermés.