من اليوم تنجمو تحلو حساب من تونس Google Marchands

249
من نهارت 7 افريل 2018 ، المطوريين التوانسة ولاو ينجمو يحلو حساب Google Marchands الحاجة هاذي تمكن المطورين انهم يحطو الابليكاسيونات متاعهم على  playsotre و يحطو اضافات تتشرى بالفلوس ، كيف لعبة مثلا ، تنجم تشري حاجات وسط اللعبة بالفلوس ، و الاتطبيقة فيها نسخة مجانية و نسخة بلافلوس فيها اكثر امتيازات .
بعد ما paypal جبدت بالتوانسة ، و ما وافقتش على انها تتواجد في تونس ، google جاء ببصيص امل للشباب المبتكر في تونس باش ينجم يدخل فلوس من الانترنات .

الفلوس الي يدخلها ، تجيها على شكل تحويل بنكي بالدولار ، و كان بانكتو حلتلو حساب بالعملة الصعبة ، الفلوس تقعد بالدولار ، و كان حساب بالدينار ، البانكة تبدلهملو بالدينار حسب قيمة الصرف نهارت الي يوصل التحويل البنكي ، باش تعرفو اكثر تفاصيل على التحويلات الالكترونية لتاع جوجل اعمول طلة هونيhttps://support.google.com/tagmanager/answer/6107164?hl=fr 
تونس هيا الدولة الالى في المغرب اعربي الي جوجل يتيح الفرصة لمطورينها باش يحطو تطبيقات بالفلوس على بلاي ستور و يخلصو ، حاجة تفرح ، و تعاون شبابنا باش يخلق و يبدع ، وزادة حاجة دخل العملة الصعبة للبلاد ، ان شاء الله قانون الصرف متاعنا الحالي ما يكونش عائق قدام شبابنا كيف العادة، و في نفس السياق نفكرو انو تمت المصادقة على قانون startup act الي باش يحل برشا بيبنا للشباب .

محمد خليل

Facebook Comments

vous pourriez aussi aimer Plus d'articles de l'auteur

Les commentaires sont fermés.