الهيئة الوطنية لحماية المعطيات الشخصية تشن حملة على ابليكاسيونات توانسة

56
تو مديدة الهيئة الوطنية لحماية المعطيات الشخصية قاعدة تهبط على صفحة الفايسبوك متاعها نصائح للمستعملين التوانسة باش كي يصبو ابليكاسيونات كيف ابليكاسيون مونوبري و كارفور الي يطلبو برشا معطيات كيف تحديد الموقع ، الميساجات التصاور ، الكاميرا وبرشا حاجات اخرى ، الي تعتبرها الهيئة مخالفة لقانون حماية المعطيات الشخصية.

Avis important : Soyez vigilants quand vous installez des applications de téléphonie. N'acceptez pas les conditions d'…

Publié par INPDP : Instance nationale de protection des données personnelles sur samedi 30 décembre 2017

الهيئة مشات اكثر من هكة و عطات بعض الخدع باش المستعملين ينجمو يصبو الابليكاسيونات من غير ما يعطيو حتى معلومة على رواحهم ، بعد ما تصبو الابليكاسيون ، تمشيو paramètre  و بعد applications و بعد autorisations و تنحيوهم الكل.

 

Astuce pour les tunisiens et tunisiennes qui veulent installer des applications sur leur téléphone portable sans donner…

Publié par INPDP : Instance nationale de protection des données personnelles sur mardi 2 Janvier 2018

الفيديو هذا فيه الطريقة الكاملة الي نصحت بيها الهيئة الوطنية لحماية المعطيات الشخصية .

لكن هوني نحب نعطي رأي الشخصي و نقول للهيئة انو فما ابليكاسيونات ما يخدموش كان ما الموقع متع الحريف يكون معلوم ، كيف مونوبري ، الابليكاسيون باش تبعث نوتيفيكاسيون للحريف متعها على برومو عاملتها مثلا في الكاف و السيد يبدا موجود في سيدي بوزيد ، معناها الهدف متع الابليكاسيون يصبح لاغي .
من وجهة النظر متاعي انو نثبتو في معطياتنا الي خذاتهم مثلا مونوبري وين محفوظين ، و لشنوا باش يستعملوهم خير .
لمحالة هيا عندها برشا معلومات عطاهملها الحريف وقت خذا بطاقة الوفاء و كل ما يمشي يقضي و يعدي الكارطة في الكاسة يعطيهم شنوا قضا بالظبط و من هوني ينجمو يعرفو عليه ادق التفاصيل من غير الابليكاسيون .

محمد خليل

Facebook Comments

vous pourriez aussi aimer Plus d'articles de l'auteur

Les commentaires sont fermés.