حذرت مجموعة من الباحثين في Malwarebytes من فيروس جديد يمس Google chrome و هو عبارة على code Javascript malveillant يخرج مساج لمستعملي google chrome يقلهم راو حاسوبكم تبلوكا و تفريس ، كلو النومرو هذا باش يحللكم المشكلة ، و النومرو هذا عبارة على نومرو surtaxé ,معناها سوم المكالمة غالي برشا و الهدف متاعو ياكل فلوس المتصلين.
الكود هذا يقوم بتحميل برشا ملفات عن طريق window.navigator.msSaveOrOpenBlob ,ينتج عليه انو الميموار تتعبى و المتصفح يتبلوكا في بعض الثواني و يخرجلك الميساج الي حكينا عليه .
كي تصير معاكم الحكاية هادي ما تطلبوش النومرو الي يخرجلكم ، اما تنجمو تدخلو لل gestionnaire de tâches تنزلو في وقت واحد على Ctrl-Alt-Suppr و تسكرو المتصفح google chrome و الباحثين ينصحو انكم تصبو مانع اشهارات على Chrome .
