Bigdeal هو موقع achat groupé معناها ، يهبط des deals باسوام باهية ، وصل حقق لتو حاجات باهية على هذا لنصا خدمة جديدة اسمها Code promo.
معناها ، في عوض ما الموقع يمشي يعمل اتفاقية معوتيل و الا قهوة و الا مطعم باش يعمل Deal محدود في الوقت ، و الحريف يشري ال deal و يمشي يتمتع بي التخفيض ، اليوم عمل code promo يجيك في مساج على تاليفونك ، و بلاش ، معناها منغير ما تخلص فلوس باش تتمتع بالتخفيض ، و تهز كود و تستعملو ديراكت.
الفيديو هذا فيه كيفاش تستعملو الكود الي يجيكم في ميساج.
للتذكير Bigdeal ملي تلنصا وصل اليوم ل 5000 عرض ، و عمل اتفاقيات مع 1500 تاجر في تونس الكل ،و عندو مليون حريف مسجل على الموقع ، منهم 250000 عداو عالقليلة كومند ،و الموقع هذا يسجل في 3 ملايين ونص زائر في العام .
