Huawei Mate 10 Lite مراجعة شاملة

144
الهواوي مايت 10 لايت ، تاليفون يجي بشاشة 5.9 بوصات بدقة 1080*2160 ،يخدم بالاندوريد 7.0 نوقات ،فيه بروسيسور اوكتاكور Kirin 659 .
فيه 4 جيغا رام و 64 جيغا mémoire interne  و يقبل carte mémoire توصل حتى 256 جيغا.
الفيديو هذا عملنا فيه المراجعة الكاملة للتاليفون هذا;

فيه اربعة مصورات ، زوز من قدام وحدة 13 ميغابيكسال و وحدة 2 ميغابيكسال مع فلاش الحاجة الي تخلينيا نعمول سلفيات باهين حتى في الظلام.
المصورتين التالانين وحدة 16 ميغابيكسال و وحدة 2 ميغابيكسال مع فلاش ، لكن المصورة خيبة ظنا فيها بالاخص كي نستعملوها في بلاصة ما فيهاش برشا ضو .
فيه بطرية 3340 ميلي امبير و لكن لسوء الحظ ماهوش مدعوم بخاصية الشحن السريع  .

التاليفون هذا اجمالا تاليفون مزيان في الشكل و الخاصية ، يساعد العباد الي تحب تعمل سلفيات عالية الجودة اما ما يساعدش العباد الي تستعمل برشا المصورة التالانية متع التاليفون و العباد الي يستعملو برشا التاليفون خاطر البطرية ماهيش كافية لاستعمال مكثف نهار كامل و زيد ما يشرجيش فيسع سوم التاليفون هذا في تونس 999 دينار  .

محمد خليل

لقراءة المزيد :مباشرة من برشلونة  عرض هاتف Huawei mate 10

 

Facebook Comments

vous pourriez aussi aimer Plus d'articles de l'auteur

Les commentaires sont fermés.