iPhone X ابل تخرج3 ايفونات و ساعةذكية جديدة،المفاجأةهي

131

في عيد ميلاد الايفون العاشر ، ابل تفصح اليوم رسميا على 3 ايفونات جدد ، ايفون 8 ، ايفون 8+ و ايفون اكس
الايفون 8 و الايفون 8+ ما يبعدوش برشا على الايفون 7 و الايفون 7+ ،فرق صغر في الشكل ، وين ولا ظهرالايفون بلار ، و بيس   11 الجديدة ، و نزيدوهم الروشارج اللا سلكي ، هاذم هوما الفوارق بينهم

 

الايفون 8 باش يتباع ب 809 اورو ما يعادل زوز ملاين و اربعمائة بمليماتنا ، و الايفون 8+ باش يتباع البرا ب 919 اورو ، تقريبا زوز ملايين و سبعة مائة بمليماتنا

ابل ، خرجت ايفون جديد ، و الي باش يعمل ضجة، هو الايفون اكس،شكلو مختلف برشا على شكل الايفون الي تعودنا بيه،نجمو نقولول عليه فابلات اكثر من انو سمارتفون ، خاطر فيه ايكرون 5.8 بوس ، من غير حواشي ، ايكرون سوبر ريتينا ديسبلاي ، الايفون هذا ما فيهش الفلسة متاع ،يلزم نعديو صبعنا من لوطة لفوق باش ندخلو للميني،الايفون هذا ما يتحلش بالبصمة كيف الايفونات الي سبقوه ، اما يستعمل باش يتعرف على مولاه و يتحل ‘ الفايس ايدي ‘

الايفون في شكلو يفكرنا السمسونغ اس 8 بليس,الايفون هاذا يتماشا مع خاصية الواقع المعزز ، الي خدمت عليه ابل من سنين ، و يتشرجا لاسلكيا ، ابل بالايفون هذا تزيد تقدم خطوة نحو الذكاء الاصطناعي ، التاليفون هذا يمهد لثورة ابتكارية في تاليفونات ابل الي حافظو لسنوات على نفس الشكل تقريبا و الخصيات، باش يتباع البرا ب 1159 اورو ، ما يعادل 3 ملايين و اربعة مائة بمليماتنا


ابل اعلنت زادب في ‘ كاي نوت ‘ متاعها نهارت الثلاثاء 12 سبتمبر على منقالة ذكية جديدة ، و هيا ابل وتش في نسحتها الثالثة،الجديد فيها انها ولات تخدم بشريحة افتراظية ، تخليها تكونكتي 4 جي من غير ما نستحقو نربطوها بالايفون ، باش تتوفر في نسختين ، وحدة ويفي باش تتباع ب 369 اورو ، تقريبا 1100 دينار ، و نسخة 4 جي باش تتباع ب 449 اورو ، تقريبا 1300 دينار

نشالله وقت يوصلو لتونس نعملولهم تاست و وقتها نحكيو على السوم الي باش يتباعو فيه في تونس
كان تحبو تتفرجو في كاي نوت كاملة انزلو هوني

 

محمد خليل

Facebook Comments

vous pourriez aussi aimer Plus d'articles de l'auteur

Les commentaires sont fermés.