نوكيا ترجع ب 3 تاليفونات للسوق ، زعمة يمنعها الاندرويد؟

101

الصيفية هاذي نوكيا رجعت بقوة بعد ما كلات كبوت في تاليفونات ويندوز موبيل، و رجعت بالنوكيا 3310، و 3 تليفونات اندرويد ، نوكيا 3 ، نوكيا 5 و نوكيا 6.

النوكيا 3 ، هو سمارتفون يخدم بالاندرويد 7.0 ‘ نوقات ‘ ، فيه بروسيسور كواد كور 1.3 جيغاهرتز، فيه رام 2 جيغا،الايكرون متاعو « 5 هاش دي بريزوليسيون 1280*720 ، البطرية متاعو 2630 ميلي امبير ، فيه ميموار انتارن 16 جيغا و يقبل كارط ميموار ،نجيو      للمصورة القدامية 8 ميغابيكسال ، و المصورة التلانية زادة 8 ميغبيكسال معها فلاش، و بالطبيعة يمشي 4 جي ودوبل بيس
التاليفون هذا يتباع في تونس ب 429 دينار.

النوكيا 5 ، هو سمارتفون يخدم بالاندرويد 7.1.1 ‘ نوقات ‘ ، فيه بروسيسوركوالكوم سنابدراغون 430 اوكتاكور ، فيه رام 2 جيغا،الايكرون متاعو « 5.2 هاش دي بريزوليسيون 1280*720 ، البطرية متاعو 3000 ميلي امبير ، فيه ميموار انتارن 16 جيغا و يقبل كارط ميموار ،نجيو للمصورة القدامية 8 ميغابيكسال ، و المصورة التلانية زادة 13 ميغبيكسال معها فلاش، التاليفون هذا يتحل بالبصمة  و بالطبيعة يمشي 4 جي ودوبل بيس
التاليفون هذا يتباع في تونس ب 579 دينار

لنوكيا 6 ، هو سمارتفون يخدم بالاندرويد 7.1.1 ‘ نوقات ‘ ، فيه بروسيسوركوالكوم سنابدراغون 430 اوكتاكور ، فيه رام 3 جيغا،الايكرون متاعو « 5.5 فولهاش دي بريزوليسيون 1920*1080، البطرية متاعو 3000 ميلي امبير ، فيه ميموار انتارن 32 جيغا و يقبل كارط ميموار ،نجيو للمصورة القدامية 8 ميغابيكسال ، و المصورة التلانية زادة 16 ميغبيكسال معها فلاش، و فيه امبليفيكاتور دولبي, التاليفون هذا يتحل بالبصمة و بالطبيعة يمشي 4     جي ودوبل بيس
التاليفون هذا يتباع في تونس ب 729  دينار

عملنا تاست للتليفونات الثلاثة ، الفرق نلقاوه في كبر الايكرون من تاليفون الاخر ، في المصورة التلانية ، و في البروسيسور بين نوكيا 3 و زوز تاليفونات الاخرين ، نلقاو النوكيا 6 متفوق على الزوز الاخرين ب 3 جيغا رام،المصورة التلانية الي تطلع من 8 ميغابيكسل في النوكيا 3 لل 13 ميغابكسال في النوكيا 5 ، و لل 16 ميغابيكسال في النوكيا 6، النوكيا 5 و النوكيا 6 يتحلو بالبصمة, الحاجة الي تفسر فارق السوم الي يتراوح ما بين 150 دينار بين نوكيا 3 و نوكيا 5 ، و 200 دينار بين نوكيا 5 و نوكيا 6 ، نوكيا حطت الخبرة متاعها في الهارد الي كان الويندوز موبيل ضالمو ، و دعتو بالاندرويد
تنجمو تشفو التاست متع 3 تاليفونات في الفيديو هذا 

محمد خليل

Facebook Comments

vous pourriez aussi aimer Plus d'articles de l'auteur

Les commentaires sont fermés.