دخل ديسمبر و الدنيا بردت ، برا قلت نحكيلكم على حويجة تصلح في هالطقس و دفينا ، اما موش باش نحكي على شوفاج و الا كليماتيزور اما باش نحكي على كوفيرتة ، ناش بكري كانو يسديوها بالصوف باش ترد عليهم برد الشتاء مع الكانون الي يولعج ، اما بما انو تقدمنا و التكنولوجيا تطورت ، اليوم باش نحكيلكم على كوفيرته تسخن و تبرد، الكوات هاذي اسمها سمارت دوفات ، فيها سيستام من داخل يخلينا نجمو نتحكمو فيها من تاليفونا ،نجمو نتحكمو في درجة الحرارة متع كل جهة منها ، مثلا زوز راقدين في فرش واحد ، القراس يسخنها برشا و الاخر ينجم يبرد جيهتو
الحاجة المزيانة الي باش تفرح برشا نسا انو الكوات هاذي الصباح كي تقومو من النوم تنظم روحها بروحها سومها يبدى من 249 دولار قريب 620 دينار بفلوسنا ، اي اي سومها بسوم فرش الكوات هاذي تتسوق من شهر فيفري 2018 و كان تحبو تعملو طلة عليها تنجمو تدخلو للموقع هذا
