نهار بعد نهار عدد d’appareils domestiques connectés قاعد يزيد في ديارنا ، لكن همنا الوحيد انو احنا في امان و الا لا ، خاصة بعد الفضايح الي صارت و خرجت على الانترنات ، بعد ما راجل و مرتو سجلتهم Amazon Echo منغير علمهم و بعثت التسجيل لوحدة تخدم معاهم منغر ما يفيقو ،Bitdefender تقترح حل جديد لضمان الامان الي هوا Box ساهلة في الاستعمال متاعها و تمشي مع les assistants vocaux.
Bitdefender BOX 2 كيف ما اسمها يشير انها نسخة ثانية تخرج من المنتوج هذا ،تجي باش تعوض routeur متاعكم باش تحمي الشبكة متاعكم في الدار ، و اي حاجة تزيدوها للشبكة ، البكس هاذي تقيممها باش و تراقب سلوكها باش تتاكد انو ماهيش مقرصنة و الا تشكل خطر، و تسمحلكم زادة باش تحميو صغاركم عن طريق خدمة contrôle parental و تمشي مع اشهر les assistants vocaux كيف جوجل و امازون الكسا.
البوكس هاذي فيها معالج Dual Core Cortex A9 و فيها ذاكرة حية 1 جيغا DDR3 و ذاكرة تخزين 4 جيغا و فيها منفذ شبكة متطابق مع 10/100/1000 و فيهاantenne wifi قادر يبث تقريبا كل معايير الويفي,تخديمها ساهلا ، يكفي تركبوها في الضو مع الروتور متاعكم و تتحكمو فيها عن طريق تطبيقة على تاليفونكم اندويد و لا iOS.
المنتوج هذا يتباع ب 199 اورو و معاه اشتراك لمدة عام Bitdefender لعدد غر محدود من الاجهزة.
