الشركة الفرانساوية Moona عندها عاميين تخدم على مشروعها الجديد ، الي هوا مخدة connectée و climatisée .الشركة اعلتن انها لمت 146000 دولار على موقع توميل المشرايع Kickstarter و باش تبدى في التصنيع اخر 2018.
الفكرة موش انو يحصنعو مخدة تبرد في السخانة اكهو ، اما انو المخدة تعدل درجة الحرارة متاعها ل 24 درجة و الي علميا ، درجة الحرارة هاذي تسمحلنا باش نغطو في نوم عميق، و كي يقرب وقت القومان متاعك الصباح المخدة تعدل درجة الحرارة متاعها على 31.5 درجة ، باش تعونا عالقومان .
المخدة هاذي سومها 399 اورو ، قريب 1200 دينار بفلوسنا ، متكونة من مخدة فيها des capteurs تتحط تحت المخدة متاعنا ، مربوطة مع boîtier cylindrique الي فيها الماء الي يسخن و يبرد حسب الطلب الي بدورو يعدل درجة حرارة المخدة ..
المخدة هاذي نربطوها بتاليفونا ، باش نتحكمو فيها ، و زيد الصباح كي نقومو تلم معلومات حول النوم متاعنا (المدة متاعو، نوعيتو ، الخ …)
