حوصلة ما بعد المعرض MWC 18

519
لمدة اربعة ايام في برشلونة حضرنا في Mobile World Congress  2018 ,معرض كبير تنظمو كل عام  GSMA ,كيف كل عام المعرض هذا يلم مصنعي الهاتف الذكية من العالم اجمع و مصنعي  les objets connectés ,فمة زادة فضاء للشركات باش تعرض خدماتها و تحاول تعمل علاقات شراكة في المعرض هذا.
نبداو بالتاليفونات ، ما فماش حاجة جديدة ، حسيت التاليفونات الكل كيف كيف غير الماركة تتبدل ، خاطر الكلهم ولاو يخدمو على خصائص التاليفون باش ينافس الموجود في المرش ، و نسمع كان 20 ميغا بيكسل و 6 جيغا رام ، الخ، الحاجة الي تعمل الفرق ما بين مصنع و غيرو هوا تصورو لتاليفون المستقبل و يحاول يطور من روحو باش يبى في السوق و ما يفوتوش الركب ، و الاغلبية ولات تخدم على الذكاء الاصطناعي و الواقع المعزز من جهة اخرى نلقاو الشركات الي تصنع في التاليفونات للمصنعين تخدم باش توصل انو التاليفون ما يظروش الماء و يقاوم الطياح ..
ما بين الدول الي كانت حاضرة ، نلقاو دول عربية ، كيف تونس و الاردن و لبنان و المغرب ( الي رافضين يعطيو تصريح للصحافة ما فهمتش علاش ) و نلقاو دول من جميع انحاء العالم  .
بالنسبة لمصنعي الاجهزة équipementiers  يحكيو كان على  5Gو يحثو على المرور باقصى سرعة لشبكة الجيل الخامس ، خاطر المستقبل هوا مستقبل   les objets connectés  و الذكاء الاصطناعي و الواقع المعزز ، و هذا الكل يلزو شبكة من الجيل الخامس باش ينجح .
playlist هاذي فيها حوصلة صغيرة لل  Mobile world congress  2018 :

محمد خليل

Facebook Comments

vous pourriez aussi aimer Plus d'articles de l'auteur

Les commentaires sont fermés.