نقلا عن موقع Thd.tn ,بعد الفيضانات الي شهدتها منطقة الوطن القبلي نهارت السبت 22 سبتمبر 2018 ،الي خلات المنطقة منكوبة، يجتمع وزير تكنولوجيات الاتصال والاقتصاد الرقمي اليوم الاثنين 24 سبتمبر مع المشغلين الثلاثة مع المدير العام للديوان الوطني للارسال الاذاعي و التلفزي .
نتيجة الفيضانات هاذي ، البنية التحتية لبعض المشغلين في المنطقة وقع تدميرها ، الحاجة الي انجر عليا تشويش في الخدمة و في بعض المناطق انقطاع كلي للخدمات حسب بعض مستعملي شبكة التواصل الاجتماعي فايسبوك،يسكنو غادي.
و حسب نفس الموقع ، المشغل الوحيد الي اكد انو الفرق التقنية متاعو قاعدة تخدم باش تصلح الشبكة متاعها قبل صبحية الاثنين 24 سبتمبر هو اوريدو بعد ما كان اكد لنفس الموقع انو الشبكة متاعو شهدت مشاكل بعد ما الفيضانات هلكت موقع من مواقع نقل المعلومات متاعها في سليمان ، المشغل قاعد يدرس في امكانية انو يعطي تعويض للناس الي متضررة من الفيضانات .
الاجتماع هذا يهدف الي معرفة خطط عمل المشغليين باش ترجع الشبكة في اقرب وقت و شنا الخطط المستقبلية لمجابهة المشكال من النوع هذا .
